林峯怕情霜三度「唔回應」
日前潘霜霜高調地戴着林峯所送的手錶於銅鑼灣行街，不過林峯並沒有分心，連日來不停拍攝無綫劇集《回到三國》。昨日於電視城開工的他被問到潘霜霜7月出寫真，時間撞正他開個唱的檔期，他說：「唔回應！（佢話你係負心人喎！）都唔回應喇！（隻手錶係你送？）都係唔回應，我依家只會專心工作。」
此外，曾與林峯拍MV而傳緋聞的陳嘉桓，前晚出席活動時被問到有關潘霜霜的新聞時，她說：「我有睇，辛苦晒你哋，知佢嚟咗香港，希望佢玩得開心啲啦！」她澄清並非第三者，亦冇時間做第三者。
林峯一問三不答，封口唔講潘霜霜。