袁嘉敏心動被批今年嫁得
09年港姐「最上鏡小姐」袁嘉敏卸任後積極參與主持工作，最近在劇界嶄露頭角，而她亦有別於香港事業型女性，希望盡快結婚組織家庭，更被批今年會做新娘！
袁嘉敏（Candy）09年參選港姐後，開始擔任主持工作，最初多為無綫收費台任娛樂節目主持，自近年開始主持《東張西望》後，在螢光幕的曝光率激增，漸漸建立「入屋」形象。因要兼顧主持工作，Candy一直難於抽身拍劇，但早前終落實參演新劇《潛行狙擊》，她說：「因為要兼顧主持工作，暫時抽唔到好多時間拍劇，希望兩邊可以協調到！」在圈中，Candy除了跟影后吳君如分屬好友外，視后鄧萃雯最近亦成為其良師益友，她說：「佢畀咗好多喺電視圈做嘢嘅建議我，得閒都會關心我，真係好多謝佢！」
討厭孤獨
而嚮往擁有家庭生活的Candy，被堪輿學家楊天命及蘇民峰同時批今年會結婚，她笑言要先覓得真命天子，但結了婚才會對外公開。自小習慣獨立生活的Candy，原來非常渴望家庭生活：「我13歲開始喺外國讀書，獨立到依家已經夠喇！唔鍾意孤獨。」對她來說，愛情大過天，雖然今年只有26歲，卻希望可早婚：「身邊好多朋友都結晒婚，我父母好遲婚，同我有代溝，唔希望自己同下一代都係咁。」
