陳鍵鋒搵劇拍鋪路回巢

早前狂數無綫刻薄的陳鍵鋒，其外購劇集在無綫收費台播放，被問到是否其無綫「遺作」時，他說：「地球係圓嘅，我都好想返嚟拍劇！」似為回巢鋪定後路！

陳鍵鋒及胡杏兒昨日出席內地劇集《美人心計》記者會，此劇將於無綫精選台播放，早前遭無綫高層曾醒明「傍實」的陳鍵鋒，昨日「撇甩」高層，被問到《美》劇是否其無綫「遺作」時，他笑說：「唔知o架！可能繼續買呢！不過都係外購劇機會大啲，合作嘅嘢好難講。地球係圓嘅！我都好想返嚟拍劇！」他表示接劇不單考慮酬勞，問到目前「自由身」是否較易洽談工作，他笑說：「唔好講到咁囂張！」

談到馬德鐘太太在微博控訴無綫，陳鍵鋒說：「每個人嘅Case唔同！（樂易玲話無綫人工低但可打響知名度！）打響咗o架喇！」他又澄清與無綫沒有不和：「我同無綫傾緊啲非戲劇合作，希望快啲成事。」周日將出席now星級特別版《撳錢》、有機贏取五十萬獎金的他笑言，在無綫多年亦冇人工加，希望今次能「填番個氹」。

宣萱寸爆：慣咗唔夠瞓

此外，宣萱前晚拍攝《飛虎》時，談到拍檔馬德鐘太太指無綫收買人命，她坦言無綫的制度向來如此：「日拍夜拍！全地球冇一個地方嘅人唔夠瞓過我哋！不過我都慣咗！」