曾涉毒被捕的歌手周永恒，現已成功脫離毒海，他憶述戒毒經過：「被捕後，我有段時間唔識面對自己，有好長時間冇出街，過程中屋企人好緊要，不斷支持我。（有冇試過毒癮發作？）冇，未去到咁深，反而心癮緊要啲，始終當時冇再接觸嗰班朋友，又冇再掂毒品，所以好快冇事！」同樣成功搣甩毒癮的台灣性感藝人安雅，現時生活健康，日前更到印度進行靈修，並在微博分享在廟宇打坐及食齋的照片。
與Jill（左）同樣成功戒毒的周永恒，現跟太太趙頌茹展開新生活。（資料圖片）
