周柏豪5犯離場勁Down
余文樂與周柏豪為所屬的「橫洲工業」籃球隊參加冠軍賽，三場兩勝制決勝，「橫洲工業」前晚首場率先贏41:37，因分數「咬得緊」，全場打得火藥味甚濃，其中柏豪因5犯離場，非常冇癮。
至於吳浩康（Deep）與周秀娜男友陳偉成（Avis）組成的Buddy隊於同一場地打波，女友莊思敏捧場。他們希望有機會能與橫洲工業鬥波，問到信心如何？Deep說：「如果隊中冇我，對方勝算大啲！」莊思敏見男友非常神氣即忍不住說：「你先係隊入面嘅佗衰家！哈哈哈！」
另外，樂仔昨日到電台宣傳新歌，事隔六年再做歌手，他坦言有點未習慣，希望賣碟成績理想，毋須公司蝕錢。
