G.E.M.鬧爆：好低能！
青春女歌手G.E.M.（鄧紫棋）入行時的水手Look玉照，竟被台灣色情網站盜用作「四仔」簡介，無辜變成AV女優！她昨日接受本報電話訪問時狠批：「好笑！好低能！救命呀！我覺得啲人好無聊、好無恥，擔心有家長睇到會誤會，影響形象，張相仲影得我好肥好樣衰，又唔性感，唔明點解揀中我，可能見我童顏。」
G.E.M.表示拍攝該照片時仍未滿18歲，呼籲要保護兒童，事件已交給公司處理，決定是否追究，又慨嘆並非首次被「移花接木」：「試過有網友將我個頭Key喺內衣少女身上，我仲將啲相擺喺MV度，想話畀佢知搞搞震係影響唔到我。」
G.E.M.突然變成四仔女優，激到她大鬧無恥！（資料圖片）