周秀娜Baby鬥接電話吸善款

兩大「模女神」周秀娜及Angelababy昨晚齊齊做接線生，呼籲大家捐款，Baby憶述當日親歷日本大地震：「當時我喺東京工作，返到屋企就地震，唔知發生咩事，反應都未嚟得切，見到電視報道先識驚！」昨日剛從上海返港的她坦言，東京仍然很亂，令人擔心！

至於周秀娜則表示，地震當日即時發短訊給日本朋友，幸好他們不在重災區。她表示聯同師妹推出電子寫真《Pray for Japan》，為日本災民籌款：「今次本寫真係電子版，畀錢就可以睇到，最特別係好多寫真相係大家未見過，係額外驚喜！（出吹氣攬枕籌款？）應該就唔會，會諗過啲新嘢！」而她的師妹盧頌之（DaDa）則說：「為咗鼓勵大家捐款，頭150位購買電子寫真嘅朋友，可以得到親筆簽名寫真一本！」

暫別寫真界

另外，周秀娜昨日出席Farotto Viaggi活動時表示，今年忙於拍電影，是暫別書展之時，並將拍寫真工作留給公司旗下32名新人：「我唔係畀32個人取代，32個人各有特色，可以照顧到更多不同類型嘅粉絲！」