糖兄妹成員Kandy及阿峰前晚踩入旺角行人專用區，為bossini舉辦的《藍精靈舊曲新詞創作比賽》演出，糖妹以一身藍精靈服飾出現，並與巨型卡通人物合照，吸引半百途人駐足睇熱鬧，她更即場獻唱《藍精靈》主題曲及3首得獎歌曲，令現場擠得水洩不通。
糖兄拍拖玩避忌
談及街頭表演，糖妹自爆已非首次，她說：「我第一次參加歌唱比賽時，試過嚟旺角拍一啲短片，嗰時冇咁多演出經驗，比依家仲緊張好多！」而糖兄同樣是重臨舊地，因他早前拍攝電台節目時，曾在旺角街頭演唱半小時。二人認為在街頭演出感覺很不錯，因與觀眾距離接近，與台上感覺不一樣。
另外，糖兄早前被拍得與女友在街頭親暱，問到女友有否詐型？他一臉尷尬地說：「冇提起啦！」並坦言以後與女友拍拖都會特別小心。
曾在旺角街頭「賣唱」的糖妹，重遊舊地格外親切。
糖妹與藍精靈合照時一臉興奮，在旁的糖兄則沉着得多。
身穿卡通衫的糖妹踩入旺角獻唱，吸引大批途人圍觀。