Mandy生日Lupo糕招「送上門」
早前Mandy Lieu被本報踢爆與G.E.M.唱片監製Lupo Groinig撻着，二人還雙雙往超市掃貨玩煮飯仔。而前日26歲生日的Mandy於下午二時許，便與Lupo由她中環的香閨步出。他倆隨後在街頭截的士，Lupo還盡顯風度地開定車門讓壽星女上車，氹得伊人甜笑與他道別，目送她離開後才走人。
其後，Mandy前往港澳碼頭會合一名女友人往澳門慶生日，問到與Lupo離開寓所，前一晚是否雙雙過夜度生日？她即否認：「唔係，因為佢住附近，知道我生日，啱啱攞個蛋糕上嚟屋企送畀我啫！如果佢係我男友，我就唔會放過佢，叫佢陪我過生日啦！我仲係單身o架！（Lupo追你？）順其自然啦！」
Mandy在街頭翹埋雙手等的士，十足女王出巡。
Lupo開定車門冧得Mandy頻頻甜笑。