Mandy Lieu心酸為災民祈禱

日本發生世紀大地震，摧毀仙台這個旅遊勝地，名模Mandy Lieu曾為旅遊節目踏足仙台，她接受ontv訪問時，坦言感到心酸，會為災民默默祈禱。

九級地震摧毀了無數日本人家園，ontv除了為大家跟進最新消息外，亦邀請曾踏足當地的藝人講出心聲，支持災民自強不息。名模Mandy Lieu因做旅遊節目曾踏足仙台，眼見此地頃刻被摧毀，她坦言極之心酸。

一月訪仙台 幸避過一劫

Mandy說：「我差唔多走勻成個日本，一月份先去過仙台，見到災情嚴重，腦中泛起昔日喺海邊見過嘅人與事！我會諗起見過嘅漁夫，唔知佢有冇事，好為佢哋擔心，仙台係一個好靚嘅小城市，啲人好熱情，對待陌生人好友善。天災好多嘢都做唔到，惟有祈禱，如果有乜可以幫手都會盡力做。」

由於地震引發海嘯，有警報會波及台灣，Mandy表示有女同事因丈夫在台公幹，不斷祈禱，幸最終安然無恙！她又說：「如果發生嗰日我喺仙台，真係唔知點算！」