任師妹形象指導 周秀娜打造亞洲版AKB48

周秀娜（Chrissie）在日本行完內衣騷後，即將準備為今年又唱又跳的師妹組合「32D命運少女」擔任形象指導。早前她在潮店Collect Point為師妹挑選戰衣時說：「點都會畀佢哋騷吓青春性感！」

今年Chrissie已揚言暫別寫真界，轉型做「幕後軍師」，準備為今年又唱又跳的師妹組合「32D命運少女」擔任形象指導，誓要將她們打造成「亞洲版AKB48」！

Sell青春性感

當日Chrissie在店內四圍搜羅一大堆衫、褲和袋，主攻半透視的雪紡質地及短褲，她說：「佢哋會以歌唱同跳舞組合出道，形象方面，我就想佢哋畀到觀眾有好清新嘅感覺，所以會以淡妝配合簡單服飾，但點都會騷吓佢哋嘅青春同性感，揀若隱若現嘅雪紡衫同短褲騷吓腿就最啱。（揀水着？）一定會揀，但想留番啲神秘感。」揀衫期間，Chrissie凡事都親力親為，為公仔試着多套青春服飾，又不停參考時裝雜誌，似乎當Stylist有板有眼。

Chrissie表示今次與經理人Roy同往日本，亦有份挑選新師妹，她笑說：「其實日本女仔化妝真係好勁，我直頭想像唔到佢哋冇化妝嘅樣。」