Chita內地歌視發展
歌手余翠芝（Chita）近月到內地拍劇，坦言能拓展龐大內地市場感興奮，更感謝有幸於前年的春晚中表演，因而被內地娛樂公司睇中拍劇：「我仲好渴求出碟，拍劇嗰時老闆知道我鍾意唱歌，爭取到畀我唱主題曲同片尾曲。」
對於不少樂壇新人冒起，其中以林欣彤最具人氣，問Chita有否感到威脅？她認為樂壇應該多姿多采：「佢把聲勁，有問《勁歌金曲》嘅結他手朋友佢表現成點，個朋友讚佢Move到人彈結他。」談到出碟大計，Chita說：「今次唔想全部自己寫，想搵人合作刺激新作品出嚟，想寫關於時間嘅嘢，好似細個成日遇到整雞蛋仔嘅伯伯，大個咗就去搵呢種感覺。」
余翠芝到內地拍劇，想今年將時間平均分配給音樂及演戲。