陳偉霆唔奢望憑鴨攞獎
在新片《出軌的女人》中飾演「鴨店」王牌的陳偉霆（William），曾考慮實地考察：「諗過同導演去鴨店，點知原來規矩係要人盯人，即係兩個人落去，就會有兩個男嘅嚟服侍，最終都冇去到，惟有睇戲揣摩。（夏文汐讚你演出有機會攞獎。）多謝Pat姐（夏文汐）讚賞，但我唔敢奢望，只係希望觀眾鍾意。」
夏文汐於片中飾演一名因丈夫偷情而光顧鴨店的女人，她說：「十幾年冇演戲，套戲意識仲咁大膽，起初擔心三個女唔鍾意，點知佢哋冇反感，仲好支持我，雖然頭兩日開工有啲唔慣，但好快回復狀態，成套戲我拍得好爽，爽係有人仲記得我，唔爽係三更半夜開工，不過我都Enjoy。（唔爽被指同嫩男夜蒲？）我老公知道實情，唔會信啲報道。」
夏文汐有得咀William，令不小少女Fans羨慕。
William睇戲揣摩如何演好男妓。