林敏驄嘲不如買鹹書
港人爭相搶鹽，不少星級微博友昨日輪流發表意見，有人嘲諷、有人呼籲大家冷靜。
王菀之：「用搶字好負面，啲舖頭唔應該加價，啲人以為鹽可抗輻射，好無奈！大家向日本人學習互相幫助嘅精神。（港人失禮？）係教育問題。」
蕭定一：「《3D肉蒲團》同樣帶鹹，搶票一定好過搶鹽！」
方中信：「食鹽可以抗輻射？哪能不能幫我的腳消腫？」
鄭丹瑞：「各位演藝界好朋友，是時候發揮大家在微博的影響力，把這話傳開，不要去搶鹽！」
Crystal@HotCha：「瘋狂買鹽都算了，為甚麼連豉油都唔放過，除了大家也是鹹以外，有甚關連？難道成為一條鹹魚才可以抗輻射？！我們的智慧又在哪？冷靜點好嗎？」
趙學而：「OMG！可唔可以唔好搞到香港無端端都成為災區呀？」
蔡卓妍：新歌《年年》被音樂人梁栢堅改成《鹽鹽》諷刺港人瘋狂搶鹽，「提前愚人節我要再炒粗鹽…你有乜尊嚴？未核爆一早黐咗線…」
