莊思敏豪揀鑽戒冧情人
情人節將至，名模諸葛梓岐（Marie）和莊思敏忙於選購禮物給另一半。但Marie專攻減價貨，莊思敏則揀鑽戒和電腦冧男友！
兩位名花有主的名模莊思敏和Marie，趁情人節前夕，忙於為男友揀選情人節禮物。Marie早前獨自到又一城購物，連逛幾間男裝店，惜當時正值減價期，似乎不合她心意，結果空手而回。
親手炮製愛心朱古力
揚言與男友薛嘉麟日日都過着情人節的Marie，準備給男友送一些實際的情人節禮物，或會親自弄一個朱古力心，令對方甜甜蜜蜜！她坦言喜歡收氣球和紅酒，曾收過數十個氣球，飄滿整個香閨，至今難忘。Marie更透露稍後將拍攝一個飲食節目，會走遍世界各地，品嘗美食，認為口福不淺！
另一邊廂，莊思敏早前到時代廣場為男友吳浩康（Deep）選購情人節禮物，她專揀超薄電腦及男裝為主，其後她試戴了幾款設計比例誇張的鑽石戒指，她說：「我哋興將自己鍾意嘅嘢話畀對方知，包保唔會買咗啲唔啱嘅嘢。（叫佢送戒指？）自己都冇乜特別嘢想要。」但最後亦空手而回。莊思敏表示因情人節當日男友要出席公司春茗，故她一早約了一班單身好友食飯，不愁寂寞。
莊思敏表示雖未能與男友同度情人節，但仍不愁寂寞。
莊思敏睇完男裝衫，又揀貴價鑽戒，為冧男友可謂花盡心思。
試玩電腦的莊思敏，為Deep準備合心意的禮物。
Marie（右）挑選鞋及手袋給男友作情人節禮物。
Marie在減價男裝貨中左揀右揀，可惜最後空手而回。