諸葛梓岐好事近等入豪門

模特兒諸葛梓岐（Marie）與男友薛嘉麟被傳在美國註冊，昨日Marie出席活動時斷然否認，但認好事近，並暗示收到男友送的巨型鑽戒。

昨日模特兒諸葛梓岐、日模渡邊知夏子、小水彩、松岡李那及混血模馬瑙出席Tokyoeye時裝活動。剛與男友、Neway二太子薛嘉麟在美國度假返港的Marie，被傳在當地註冊結婚，她否認其事。

Marie表示在美國有不少朋友，今次在當地旅遊三星期，期間在拉斯維加斯賭場玩老虎機時中了大獎。對於有傳她與男友旅行註冊結婚，她澄清：「冇，有消息會通知大家。（點解唔順便結婚？）總之結婚一定會講，希望大家恭喜我啦！快o架啦！做完手頭上嘅嘢先。（工作排到幾時？）11月。（咁即係12月結婚？）可以諗吓！」問到是否收了男友送的五卡鑽戒？Marie沒有否認，更大晒手上的假鑽戒開玩笑說：「我呢隻有十卡。（收咗男友訂婚戒指？）我有好多戒指，用嚟襯唔同嘅衫。（佢畀驚喜你？）事先唔知佢會送。」至於其未來妯娌陳法拉被指驗身計劃造人？Marie不回應，問她何時造人？她笑說：「我要快啲做嘢就真，有好多工作。」

渡邊知夏子讚港美食

而日模渡邊知夏子表示喜歡香港的按摩店及食物，希望有機會在港購買名牌服飾，可惜行程緊密而事與願違。另一邊廂，身穿Deep V行騷的馬瑙不慎露Bra，她坦言：「當時都有少少驚，但我唔擔心走光，因為我黐咗膠紙同乳貼。之前試衫都仲啱身，唔知係咪近排做得健胸運動多，令上圍勁咗。」