雷凱欣賽車女郎極速快感
擁有36F驕人身材的性感女星雷凱欣（Vonnie），為本報讀者獻出她的第一次，從未做過車模的她，首次化身賽車女郎，大玩Cosplay，暢談最令她着迷的極速「快」感。
雷凱欣雖然從未扮過車模，但換上膠質感覺的賽車女郎服飾，即使只是初體驗，效果也令人稱心滿意，她說：「雖然我未做過車模，但我好鍾意揸車，唔單止有車牌，仲要係難度極高嘅棍波車牌，平時我最鍾意一個人聽住歌揸車，好多時不知不覺就會開快咗，我鍾意追求速度感，仲有嗰份自由自在，冇人管束嘅寧靜，成個世界好似得番自己一個咁，勁好Feel呀！」
做守法司機
Vonnie又稱開快車不但撇不掉狂蜂浪蝶，反而惹來更多男士慕名挑戰，她說：「我揸緊嗰架車，買番嚟嗰時已經成架戰車咁，試過有人喺後面見到，就追上嚟想撩我鬥車，點知見到車入面坐住嗰個係女司機，通常都鬥唔成。（最快試過開幾快？）咁我自問好守規矩，嗰段路限速100km，我咪揸到100km，唔會多唔會少，但我都會睇吓多唔多車先嘅，我都唔算好鍾意揸快車啫！係咪？」
雷凱欣穿上火紅戰衣，體驗做賽車女郎的滋味。
考得棍波車牌的雷凱欣，自言愛向高難度挑戰。