「鞋癡」諸葛梓岐豪買四對Bling鞋
模特兒諸葛梓岐對潮流觸覺十分敏銳，更是一名「鞋癡」，家中的靚鞋多不勝數，其中閃石平底鞋更是其新歡，她更一口氣在港台日掃了四對︰「我好鍾情Bling Bling平底鞋，有兩對喺香港買，每對要千幾蚊！而日本都買咗對2千幾蚊嘅藍色平底鞋，台灣嗰對就平啲，900蚊港元有交易！」
她認為冬天衣着以深色為主，穿閃石平底鞋可更搶眼，她笑言與男友去街穿平底鞋較合襯！諸葛梓岐又表示遇到靚鞋是一種緣分，她曾花近萬元購買一對鞋︰「係我買得最貴嘅一對，但大個咗唔會亂使錢買嘅，應買則買！」她認為見到靚鞋「冇得避」，惟有減少行街控制購物欲。
諸葛梓岐自認是「鞋癡」一名，家中的靚鞋多不勝數。
諸葛梓岐對Bling Bling平底鞋愛不釋手，最近掃了四對。
諸葛梓岐到日本工作時花2千港元買藍色Bling Bling平底鞋。