黃美儀早知龐維仁做老竇
龐維仁前妻黃美儀及黎瑞恩等昨日出席在又一城舉行的《ARTE Holiday in Spain首飾系列匯演》，名模楊崢及Amanda S.分別任司儀及模特兒。席間，黃美儀揚言早知道龐維仁將為人父：「我同龐生好似屋企人，唔會因為分開而唔啱！（怕龐老太錫晒新嘅新抱？）相信奶奶係公平嘅，有唔同錫法！（改口唔叫奶奶？）相識十幾年，佢係我屋企人，如果有需要當然會咁做！」
至於黎瑞恩透露獲高球好手盛讚有天分：「返港後有認真去學，但唔小心扭親手！」育有一對子女的她，被問到當年有否因追仔壓力而想過找代母，她說：「冇！生仔生女係個天畀，生女仲好啦！況且老爺個個孫都錫，可能佢本身有三個仔，所以錫孫女多啲！」
名模Amanda S.示範閃爍鑽飾，令人目不暇給。
黃美儀造型花俏，與黎瑞恩的密實Look大相逕庭。
