Annie G.勸捐錢做善事
同樣受到富豪問價電話騷擾的o靚模盧頌之（DaDa Lo）及吳燕安（Annie G.），日前在微博慶爆拒絕出席此類富豪飯局，昨日得知師姐周秀娜也被電話騷擾「問價」，她們即不禁要開會討論，Annie G.說：「嘩！出幾高價都冇用！其實我同DaDa都開過會，傾過點解啲富豪要出錢請人食飯見面，係咪佢哋太寂寞冇人陪？我哋覺得如果只係想請我哋食飯或者見面，大可搵經理人請我哋打碟啫！又或者將啲飯局錢攞去做善事咪仲好！」
她坦言極討厭收到富豪飯局電話：「試過有人打嚟問我有冇興趣去富豪飯局，我問佢點知我電話，先知係朋友個朋友畀佢，我嬲爆！點解有朋友覺得我咁Cheap做呢啲嘢，從此同佢冇偈傾！」
Annie G.早前收到富豪問價電話，令她大感懊惱。(資料圖片)