鄺敏慧降呢舉牌拉客

去年底鄺敏慧（中巴）因控告前男友崔建邦毆打而一度人氣急升，成為新聞人物的她密密接騷及任代言人搵真銀，但隨着她今年中「放生」舊愛、案件告終後，其曝光率驟減，只間中獲邀出席活動。

前日本報記者發現中巴「降呢」做舉牌女郎，在會展為《香港國際玩具及禮品展暨亞洲贈品及家居用品展》舉牌招客，工作性質與零知名度的o靚模無異。涉被打案復出後身形脹爆的中巴，前日所見仍未收身，一身Tube Dress難掩肥腫身形，雙手緊握方向牌指示展館位置的她，不停在場館大堂穿梭，偶有途人認出手指指，她亦大方微笑。

記者昨日致電中巴求證「降呢」做舉牌女郎一事，她直認不諱：「係呀！證明我個人冇架子啦！我由細捱到大，唔想一世做打工仔，所以有收入嘅我都會做，舉得辛苦都冇所謂。」她又強調自己勁多Job：「今次酬勞唔錯，又想儲多啲錢為自己鋪路開舖，我唔係冇工開，接咗唔少騷，月底仲飛去新加坡幫有線主持飲食節目。（做飲食節目唔怕再肥？）會盡力保持，我知自己易肥。」

四日速賺二萬八千

據知，中巴由本月20日開始、一連四日為展覽開工，由朝早10時舉到晚上7時，時薪約1,000元，雖然工作性質「降呢」，但中巴短短四天已穩袋約28,000元，認真好賺。對於酬勞，中巴不置可否：「當然酬勞OK先至幾辛苦都做啦！」難怪她在會場被指指點點亦不覺難受：「我用自己勞力同努力去工作，唔係唔見得光，所以唔難堪。（工作時畀人撩？）實有，但出於友善就唔怕。」

問及現時的感情生活，中巴表示仍單身，但承認會小心選擇追求者，但否認因被舊愛事件影響：「唔關事，我仲後生，唔可以戀愛大過天，工作緊要，拍拖點都要揀清楚好啲。如果搵男友，真係要搵個同我一樣咁忙先得，因為我真係忙到拍拖都冇時間。」

鄺敏慧（中巴）

三圍︰32、23、34.5

身高︰165cm

國籍︰中國、巴西混血兒