李詩韻龔嘉欣又爭仔
「過氣情敵」李詩韻及龔嘉欣昨日碰頭為新劇試造型，被邀合照時，原本甚為尷尬，但最終亦大方站在一起滿足記者要求。
鄧健泓新舊女友龔嘉欣及李詩韻，昨日與馬浚偉為新劇試造型，劇中三人大搞「三角戀」，而現實生活中二人亦先後與鄧健泓扯上關係。當記者要求合照時，原本甚為尷尬，但最終亦大方站在一起。
問到是否尷尬，李詩韻說：「我知你哋想問乜，一啲都唔尷尬！只係我唔認識對方！依家我都尊重佢哋嘅關係。」她表示不想惹誤會，故甚少與鄧健泓聯絡：「我唔喺香港會交隻狗仔畀佢湊，但都係由工人負責接送。」並坦言現時有追求者，但未遇到合適對象，故暫時不急於再墮愛河。而龔嘉欣則表示與李詩韻有不少對手戲：「做嘢啫！唔會諗其他！（鄧健泓同你拍拖後，成個開心咗？）我都覺得，或者我感染到佢，想另一半開心，梗係要互相氹吓！」
馬浚偉剃光頭瞓唔着
此外，馬浚偉以光頭造型示人，他表示入行以來第六度落髮，還大呻頭頂太凍，即使戴上冷帽亦難以入睡。而同場的苟芸慧透露為拍劇忙跟老師學廣東話發音。
鄧健泓新歡龔嘉欣（右）及舊愛李詩韻合作拍新劇，合照時貌合神離。
王君馨穿起古裝耍功夫，莫非想做俠女。
馬浚偉為拍劇剃光頭，笑言頭頂太凍瞓唔着。