鍾麗緹擺烏龍生多四個
鍾麗緹昨日與梁家輝出席金雞百花電影節宣傳新片，她揚言對影圈不死心：「我一直想返香港拍戲，想同杜琪峯或者許鞍華合作，最想拍愛情加動作嘅戲。（性感演出？）唔啦！以前做過。（拍戲難湊女？）我同大女開始難溝通，佢有時仲蝦個妹，但我今朝同大女SMS傾得幾好，我心情都開心晒！（想唔想追個仔？）三個女已經夠，要『四個兒子』！」即時令梁家輝及在場人士嚇了一跳，其後梁家輝替她解「話」：「初時都以為鍾麗緹話要生夠七個，原來佢係將『適可而止』講成『四個兒子』！其實我都有兩個女，點解冇人問我要唔要追個仔？我一直有諗o架！可惜冇人同我生，男人可以懷孕嘅話，我都會試，不過我係高齡產婦。」
梁家輝拖着鍾麗緹（右）與謝婷婷出場，左右逢源艷福不淺！