古巨基前日以時尚大使身份到上海出席活動，但因腰傷舊患復發，連行路都痛楚難當，故工作人員立即為基仔購買拐杖，其後基仔索性坐輪椅出席活動，他說：「近排幾奔波勞碌，搞到行動有少少唔方便，條腰嘅肌肉好痛，行路都要慢慢嚟，坐低起身都要慢半拍！」
基仔自爆起居生活亦受影響，連換衫及沖涼都要放慢腳步：「沖涼要沖成個幾鐘，仲痛到瞓唔到覺，瞓着咗一轉身又痛醒！」他希望早日回港看脊醫，但今日他又要到武漢出席時裝品牌活動：「簽咗約唔可以失場，所以會如期去！」