近日多位歐美天后不斷傳出婚訊，Rihanna因眼見好友Katy Perry下嫁布蘭德，亦打算與男友Matt Kemp拉埋天窗，有傳Matt即將向她求婚，希望抱得美人歸。而百變天后Lady GaGa亦傳出今年聖誕與男友Luc Carl共諧連理的消息！

據知，GaGa已向其巡迴演出的工作人員透露，她將於12月於英國舉行Monster Ball巡迴演唱會後，與Luc於英國一座近郊的城堡舉行婚禮：「GaGa同我哋講，佢就嚟結婚喇！仲話想喺城堡搞個童話式婚禮，要用馬車出入，我哋今年最後一場Monster Ball嘅騷會喺12月16同17號喺英國搞兩場，時間啱啱係聖誕之前！」想不到向來作風大膽的GaGa，也有純真的一面！

當然，沒有噱頭的就不是GaGa，在傳統少女童話式婚禮背後，GaGa亦想搞搞新意思，據知她希望請來著名脫衣舞孃Dita Von Teese表演，知情人士透露：「GaGa好想請Dita嚟跳脫衣舞，希望佢喺結婚蛋糕跳出嚟添！而伴奏嘅樂手就要着到好『行』！」早前GaGa祖父逝世，Luc陪伴左右，相信這與她決定下嫁不無關係。

被嘲要整魚肉婚紗

GaGa計劃於英國近郊行禮，全因鍾情英國鄉村酒吧文化及炸魚薯條，而其偶像麥當娜和前夫佳烈治當年也是於英國行禮。不過，婚訊傳出後，有人笑指GaGa為配合白色婚禮，要暫時收起鮮紅肉衣，更建議她以魚肉或家禽肉作婚紗。