當日遭帶返廉署調查的寧進，現時雖已甩身，但未有置身事外，一直為「恩師」陳志雲擔憂，日日SMS問候又為他祈禱。他曾揚言到庭聽審，但最後打退堂鼓，寧進昨日在電話中說：「知佢今次係『過堂』好快就走，覺得要支持都唔係依家，但有SMS畀佢話：『一定冇事，永遠支持！』（迎月要提堂好慘？）過節事小，希望快啲解決件事，咁就幾時都係好日子！」另外兩名愛將鄧健泓與王喜亦有為志雲打氣，鄧健泓說：「我要開工唔會去，但會SMS為佢打氣。」王喜則說：「我唔擔心審訊結果，只擔心過程太長，為朋友帶嚟好大嘅折騰。（點支持？）隨時候命！」

陳法拉以復古造型亮相，她透露近日忙拍《女拳》，身形纖瘦不少。

寧進不會到庭聽審，但會以SMS支持志雲。(資料圖片)

無綫藝人近日接封嘴令後紛紛「忍口」，陳法拉昨日出席展覽時，被問到今日要開工拍劇，是否沒有被傳召上庭作供？她說：「暫時未收通知，我一直冇參與過，工作全部公司安排。」此外，問到中秋會否帶賀禮到男友家中做節，她說：「未有送過禮，唔知中秋要送咩！（男方家長係咪好傳統要你追男孫？）好長遠，好多年後嘅事。」

廖碧兒否認割席

至於緋聞男女陳豪與廖碧兒昨日出席護膚品牌活動，期間碧兒應要求為陳豪塗護膚品，陳豪雖尷尬得面紅耳赤，但仍以「很滋潤」來回應，場面冧爆！對於被指與志雲劃清界線，碧兒說：「我同陳生不嬲都係上司同下屬關係！事發後冇喺公司見過佢，亦都冇聯絡！」同場的詹瑞文透露徒弟林嘉欣目前生活愉快，不知她是否懷龍鳳胎。