新進3人男女組合小龍鳳雖然入行不久，但已獲歌迷支持，提到最愛的禮物，成員陳浩然（Tommy）、李明蔚（Sarena）及羅澤鈞（Anson）就各有所好，Tommy說：「最難忘Fans自製嘅心意卡，上面有心意句子，仲貼咗我最鍾意嘅卡通人物，寓意我同胡迪一樣，無論有咩困難，都要勇敢面對！」
而Sarena則大晒一條有「Sarena」字樣的項鏈：「條鏈好有心思，仲有一對好似天使翼咁，Fans仲話係代表一飛沖天嘅意思。」初出道時每次出席活動都好緊張的Anson獲Fans送上幸福珠鏈定驚，他說：「佢哋話條珠鏈可以陪我演出，仲會帶嚟好運，等我上到台可以放鬆心情！」
