練得一身好功夫的杜宇航，憑《葉問前傳》創出佳績，不過外間不時將他和甄子丹比較。日前台灣廣告商力邀杜宇航以甄子丹在《葉問》的造型拍攝薄餅廣告，更為他悉心安排貌似熊黛林的太太角色及一名小兒子，他說：「化完個妝之後，連我自己都覺得好似子丹，唔介意都係用嗰個題材，最緊要有娛樂性！拍得幾開心，係食Pizza比較辛苦，導演為咗令效果更加多芝士，特別要求加重芝士，當日食咗幾十個。」

杜宇航以甄子丹的《葉問》造型拍Pizza廣告，與一位貌似熊黛林的太太拍檔。

杜宇航接拍不同類型的電影，務求戲路多元化。

百變戲路拒定型

其實杜宇航從不心急擺脫甄子丹的影子：「嚟緊我都有接時裝戲，會拍唔同類型嘅電影，唔會將自己定型，亦都唔會專登避免去接其他《葉問》系列。」他並透露最近在《蔡李佛拳霸天下》中客串一角：「因為大哥洪金寶叫我幫手，佢演過我兩次師傅，今次畀我喺戲入面演番佢後生時嘅師傅，真係有緣！」為了時刻保持狀態，他坦言只要沒有工作在身，每天都會返體院練武四小時，誓要以至Fit狀態示人。