時裝設計師Henry Lau近日在Facebook哀悼愛貓Bebe突然離世，不少圈中好友相繼慰問。Henry接受電話訪問，表示八歲的Bebe是從月前離世的母親處接養， 他於本月11日帶胃口不佳的Bebe到寵物診所進行身體檢查，並照X-ray，惟Henry多番要求陪伴Bebe入診療室均被拒，他於一小時後未見Bebe蹤影，因擔心而衝入診療室，只見獸醫為已被插喉的Bebe進行急救，不久宣布Bebe死亡，但沒有解釋情況便轉身離去。Henry即報警求助並與老闆對話，經雙方一輪調停，Henry只能無奈接受驗屍報告：「個驗屍報告由嗰間診所寫嘅，我覺得可能有偏幫，我會拎份報告畀另一位獸醫睇。（追究？）要等佢哋交代先考慮採取法律行動。」Henry亦對該店大表不滿：「賠償與否冇乜所謂，診所老闆對我承認職員處理不當同埋會交代，我希望得到合理解釋，希望事件唔會重複發生。」Henry又指覺得Bebe因為環境陌生，和未有主人陪同就診而嚇死，對於愛貓死亡，坦言感到自責。

曾找Henry為演唱會設計歌衫的李克勤，也為好友抱不平：「我知Henry好激氣，就咁照X-ray就冇咗，一個鐘頭就死咗，係咪好唔負責任？」克勤亦戥小動物可憐：「佢哋唔識講獸醫醫得佢哋好唔好，十幾年前，我養過一對一公一乸嘅魔天使，佢哋幾個月大已經搞埋咗，最後接受獸醫建議做流產手術，第二日去探佢，獸醫先話冇BB，仲幫佢做埋絕育手術，我都好嬲！」

醫療失當可停牌

保護遺棄動物協會行政總監范韻清表示，貓主可以向獸醫管理局求助：「佢哋負責監管獸醫操守，可以查清楚究竟係如獸醫所講，定係醫療失當，進一步要知可能就要解剖，如果最後真係醫療失當，個獸醫最嚴重可能會被停牌。」另外，黃國桐律師就從消費者角度解釋事件，他說：「個獸醫咁嘅態度係絕對不能接受，死咗都要交代吓，呢個係最低嘅消費者要求！」