以二人組合「SugarBeez」名義再度推出寫真集的o靚模A. Lin（裴殷）及DaDa Lo（盧頌之），對於今年刮起的「反o靚模潮」，A. Lin坦承想過退出。對於早前書展及動漫節將o靚模拒諸門外，她說：「呢度又話唔畀搞簽名會，嗰度又話唔歡迎進場，咁喺我屋企樓下搞簽名會囉！其實我都諗過轉型，我哋做o靚模只係做埋今年，出年冇得玩o架啦！我決定咗會轉去拍戲。（同DaDa喺寫真最後一擊，玩Les告別？）好Les咩？我同佢平時去做嘢都係一齊換衫、沖涼啦！好多女仔都係咁，佢哋又係Les咩？」
DaDa也認同o靚模是時候為自己打算：「A. Lin要轉型，我同佢係同一個Group嘅，我都會轉型。（唔開心o靚模被歧視？）要去到喺屋企樓下搞簽名會都知咩事，不過我自己都想嘗試多啲唔同嘅嘢，想挑戰自己！」