美味天使「藍莓」劉俐在無綫節目《世界盃動起來》的表現麻麻，前晚雖然望了半天貓紙，仍說不出荷蘭隊教練雲馬維克的全名，只能吐出「雲耳」二字，連拍檔李綺雯都不禁大笑！至於黃婉曼（冰冰）亦頻頻「食螺絲」，除了將莫斯科說成麥斯科外，更將「4度」（指溫度）說成「零下」！男主持的表現亦差強人意，張國強（KK）繼早前指冰冰「有波」後，前晚又笑笑口說：「我覺得冰冰想再大啲！」鍾志光即說：「佢好大喇喎……知名度！」
另外，近日於電台開咪講波的李克勤，對於o靚模被禁在書展舉行簽名會，他說：「冇乜所謂，咪搞囉！劃分一個Corner畀佢哋囉！冇可能睇唔到，咁鬼『胸湧』！無論行過報攤同上網，任何方法都睇到波邊同波皮！」拍檔林海峰笑問他睇好「邊隊波」？克勤說：「好難！啲英文（指o靚模名字）好深，發唔到音，全部都係影子名，翻版乜乜！」