與周秀娜分屬同門的莊思敏，毅然離開舊公司轉投王晶旗下，因周秀娜在舊公司甚為得寵，莊思敏突然「轉會」難免惹來爭風呷醋的揣測。但莊思敏強調離巢與周秀娜冇關：「我哋不嬲都有偈傾，我同佢OKo架！（一山不能藏二虎？）嘩！佢哋點止二虎呀？我只係想話我長大喇！唔想再留喺波波池！」她更慨嘆o靚模只懂拋波教壞細路：「依家啲o靚模拋胸就可以上C1，雖然我都恭喜佢哋，但會影響年輕人以為行性感就可以紅，我識有啲細路女，成日話志願係做o靚模，令人好慨嘆。」

莊思敏和周秀娜最近傳不和。

周秀娜

過檔酬勞保密

至於簽約王晶是否因酬金吸引，莊思敏未肯正面回應：「想演精神錯亂或者好癲嘅角色。（晶女郎通常都要性感，你接受到？）如果劇本需要，我可以背部全裸o架！（露股都制？）唔係呀！淨係背部！」