身穿價值逾十萬元服飾的徐濠縈昨晚出席時裝品牌揭幕酒會，她自言並非豪使之人，即使睇中靚衫，亦只會買一、兩件，她說：「我從未試過買衫超過六位數字，不過就算我豪買，佢（老公陳奕迅）都唔會嬲，因為我覺得佢可能會買先過我，佢做騷有需要呀！」
父親節將至，問到如何與陳奕迅慶祝？她說：「我個女都有整卡畀老竇，唔需要刻意買禮物，如果開心，日日都係父親節，總之老公唔使做嘢，會一齊食飯。（同老爺一齊慶祝？）應該都會！」至於其設計被指有抄襲之嫌？她沒好氣地說：「我唔會回應呢啲事！」同場的黃偉文自言是Chanel的Fans：「我鍾意會推介畀啲朋友，不過最近忙於幫陳奕迅搵贊助，買十幾萬戰衣出席《金曲獎》呀！」
