今年書展將於下月21日舉行,新舊模群起推出性感寫真,剛彈起的楊梓瑤(Carol)原本想分一杯羹,有傳會到墾丁或澳門取景,但一直只聞樓梯響,外間盛傳其公司遲遲未肯為她的寫真動筆簽約,連攝影師、場地及服裝等基本需要亦未傾妥,Carol的寫真隨時「爛尾」!
記者致電Carol的經理人,他承認出書有難度:「有少少擔心,雖然有贊助,但好多細節未傾好,希望趕得切7月出書。」而Carol昨日在電話中說:「(唔出)都唔會可惜,因為有其他嘢做。我5月中先考完試,嗰陣已一直傾緊,但7月出書真係幾趕,我收到風周秀娜佢哋都影晒,如果出得成都係最遲嗰個,時間真係好緊迫!」問到是否被周秀娜及Jessica C.嚇怕,她說:「我與世無爭,周秀娜又有咁多Fans,咁犀利,口才又好,我只係新人爭唔到。」雖然寫真隨時撻Q,但Carol為保持E Cup競爭力,自爆每日舉啞鈴健胸:「日日都舉,又會跑步做運動,但擔心會墮,所以一定要戴運動Bra。」
遲到早退 挑剔攝影師
至於去年憑「E奶」凸圍的鍾蕙芝(Lavina),早前亦透露會去日本拍寫真,但據知她與經理人Admond關係愈鬧愈僵,除無理推Job外,有指Lavina早前與攝影師會面遲大到,又要求早退,公司遂將她雪藏,連寫真集亦即時擱置。
Admond說:「我哋幫佢搵咗攝影師,但佢都話唔鍾意,惟有尊重佢。我哋冇雪,只係未搵到合適佢嘅工作!」Lavina則自辯:「係我自己決定(唔出),今年寫真風氣唔天然,我係天然玉器,其他好似加工玉石!」而去年與Lavina孖住出寫真的胡心諾表示,與對方私下沒有聯絡,對方未能出寫真亦沒有特別感覺。
楊梓瑤Carol
三圍:34E、24、34
年齡:21歲 身高:163cm
學歷:浸會人文學系副學士
鍾蕙芝Lavina
三圍:34E、25、36
年齡:21歲 身高:166cm
學歷:理大廣告設計系副學士