前日《色慾都市2》在倫敦舉行首映禮，演員莎拉、甘嘉拉圖、姬絲汀戴維絲與仙菲亞尼克遜等四朵金花，聯同「大人物」基夫羅夫盛裝撐場。莎拉穿上已故時裝設計師Alexander McQueen設計的晚裝長裙配襯誇張花花帽向亡友致敬，服飾與出席上集首映時差不多，成功搶風頭，莎拉說：「佢2年前為我設計呢套衫，我唔會着其他，我依家着呢套衫係為咗紀念佢。我好掛住佢。」不過近6成網友批評莎拉造型欠佳。其後她又分享拍攝心情，她說：「我拍完戲之後，同拍檔更親近，因為我哋一齊住、一齊食同一齊瞓，好開心！」

Kylie扮嘢踩場

而姬絲汀穿金色晚裝長裙示人，十分突出，甘姨及仙菲亞則分別以黑色與藍色晚裝長裙亮相。澳洲天后Kylie Minogue與排舞師Louie踩場，兩人花樣百出，Louie趴在地上跳舞，Kylie則張牙舞爪扮出一副狠樣，成功搶鏡。另外，《色》片大前晚於美國三千多間戲院舉行開畫午夜場，勁收2,340萬港元，成為票房冠軍，較上集開畫午夜場票房多出20%。而Gucci Group宣布Alexander McQueen品牌創作總監一職將由Sarah Burton繼任。