身在英國的唐貝詩（Lydia）早前的「盆景貓」言論一出，即被狂轟「冷血」，但她未肯認衰，觸發新一輪譴責。自由黨寵物權益關注小組昨日發信向各大傳媒公開譴責Lydia今次事件，小組副召集人方國珊接受本報訪問時，強調「盆景貓」事件十分不人道︰「如果市民考慮咁對待動物生命，佢嘅生命價值觀有好大問題，我哋覺得好震驚！」但她強調不是針對一個人，並表示曾於活動見過Lydia，認為事件會對青少年造成負面影響，對於Lydia辯稱是黑色幽默，她說︰「如果冇養（盆景貓）就應該出嚟澄清。」
寇鴻萍指女兒不會退縮
另外，著名時裝設計師何國鉦再就事件回應，直指Lydia過分︰「佢唔係小朋友，但心智好唔成熟。（佢話講笑？）冇可能講笑，凡事適可而止。」又直斥指事件是小事的寇鴻萍，惹來更多人抨擊，指她應該引導犯錯的女兒。日後與寇見面亦不會尷尬︰「好多藝人都多謝我幫佢教女，佢係明白事理嘅人。」
而Lydia繼續堅持立場，昨日在微博留言：「接受不能改變的，改變不能接受的。」她表示會接受外界就事件批評的事實，但亦希望大家改變這種負面的睇法。昨日寇鴻萍接受新城電台及本報訪問時，轉述女兒發給她的訊息：「我唔覺得我要退縮，我要勇敢面對，係要話畀人聽我嘅意圖，用另一個諷刺方法話畀大家聽唔可以虐待小動物。」寇鴻萍力撐愛女此番言論，並無奈地說︰「我哋本身好鍾意貓，飼養兩隻流浪貓已經十年，希望個政治團體作出譴責之前先調查清楚，判案都要查案先，歡迎佢哋嚟我屋企睇貓。（再道歉？）係咪道歉100次先會接受？每個人處事唔同，佢意識唔係咁，唔信都冇計。」
自稱中微博毒玩得過火
同樣在微博出事的諸葛梓岐，日前在微博上載電影《猛鬼街》銀幕照，她事後接受有線訪問時說︰「其實我有影埋啲櫈，下次都唔會做埋啲咁低能嘅嘢。」而她昨日出席亞視《第十五屆十大電視廣告頒獎典禮》拜神儀式時再次道歉︰「我好迷玩微博，中咗毒過咗火。」自覺做錯的她聲稱當時只想拍下照片與朋友分享，從未想過事態嚴重︰「咁我真係做錯，當時留過言回應話『幾好玩，下次又試吓先』，我都即時刪咗。」她又表示不認識唐貝詩，知網友惡搞她相片一事，希望大家給對方機會，又笑言不介意網友惡搞她的肖像在《猛》片主角身上，並揚言：「整得靚都唔介意！」