陳法拉與諸葛梓岐（Marie）隔空罵戰鬧得滿城風雨，昨日本報記者聯絡Marie的Neway二太子男友薛嘉麟，他首度為女友開腔，相信女友沒有踢爆法拉與兄長薛世恒秘密註冊：「成件事係一場誤會，好多誤解，希望呢啲誤解唔好帶過年。（向兄長同法拉解釋？）冇需要，成件事係誤會。」至於其母與法拉的關係，他避而不談。Marie在電話中亦表示以後不再回應：「唔想影響人哋屋企、老人家。」而她日前接受有線訪問，問到有否結婚衝動時卻又似暗寸法拉：「唔係話結就結，我唔排除閃電結婚，但一定會公開，冇理由鬼鬼祟祟。」她又透露曾有人向她求婚，但未有公開對方身份。