已育有一名兩歲兒子的李克勤，昨日公開宣布太太再度有喜，三年抱兩，難怪圈中好友紛紛送上祝賀。
本年七月才誕下「蝦餃仔」的陳慧琳，得知克勤宣布太太再度有喜即大感興奮，她開心地說：「恭喜佢！希望佢順順利利生個女就好，可以湊個『好』字！第時等佢個女同我個仔做吓朋友，睇吓有冇得發展！」
身在上海拍戲的梁詠琪說：「好開心！真係戥佢高興！佢同太太生Ryan時，我一次過送咗三對唔同款嘅BB鞋畀佢，希望呢胎之後，佢仲會生多個，佢依家真係幸福滿瀉！」
老友周慧敏透過老公倪震SMS回覆：「恭喜恭喜，繼續努力！」
身在內地的陳百祥（阿叻）得悉喜訊後即笑說：「吓？咁勤力！梗係戥佢開心，代我生埋，佢好錫個仔！（返香港同佢食飯慶祝？）佢有個仔之後都少出街，最多我去佢屋企！」
鄰居兼好友汪明荃說：「恭喜晒佢！」