最近復出接拍纖體廣告的李麗珍（珍妹），前晚與女兒許倚榕離開西半山寓所，駕車往將軍澳清水灣半島，未幾見其弟推着BB車到場，倚榕則逗玩BB，然後齊齊往九龍灣開餐。期間，珍妹拖着女兒出來搵廁所，但兜了一圈才搵到。至晚上9時半，珍妹為撇甩記者，竟與家人由後門離開，不過發現記者已在內，令她相當尷尬！記者問到男友潘源良有否同行？珍妹隨即指着弟弟說：「我男朋友咪我細佬囉！（最近有咩做？）冇嘢做喎！（個女就快高過你？）係呀！」問到是否賤價賣肉？她只笑了幾聲說：「算啦！」說罷即往取車離開。