組合2R的家姐Rosanne，本年8月自爆年底與相識8年的混血牙醫結婚後，她早已飛返新加坡籌備婚禮，但最近有傳其婚期是本月28日，而她的圈中好友，已預備於月底飛往新加坡到賀。至於下月15日結婚的Dino，近日已陸續發喜帖給親友。

許懷欣赴星洲祝賀

記者昨日在尖沙咀街頭巧遇與Rosanne私交甚篤的許懷欣（Ryan），他與經理人到Masterpiece by King Fook睇鑽飾，期間他對逾四萬港元的鑽戒形吊墜頗有興趣，其後轉睇熊仔系列鑽石手鏈，店員又着他試戴Rock味十足的骷髏頭鑽飾，最後他睇中一枚約值77萬港元的名貴豹紋鑽錶，但Ryan沒有買下，最後只問高層取卡片便離去。

許懷欣（右）試戴Rock味十足的骷髏頭吊墜。

雖然許懷欣睇中一枚鑽錶，但因價錢太貴而放棄。

不過，Ryan事後否認買賀禮給Rosanne：「唔係！我陪明年結婚嘅經理人睇首飾啫！我睇中咗隻豹紋錶，可惜太貴！」他笑言若唱足100場，待明年的父親節便能買錶孝敬父親許冠傑。此外，他坦承獲邀出席Rosanne婚禮：「月底就同太太起程！但因為有工作，只可逗留三日，但婚禮地點我就唔知！（送乜畀Rosanne？）利是啦！」同屬Dino好友的Ryan透露，昨日Dino本相約見面 派喜帖，但他竟忘記帶帖：「我除咗要努力搵錢出碟外，仲要預一筆錢做人情，細佬12月又結婚！」

另外，記者致電Rosanne及妹妹Race（黃婉佩），但前者沒有接電話，而身在外地的Race卻對家姐婚禮三緘其口。

文：音樂組