周秀娜、鄭融與陳偉霆昨午為新片《死神傻了》宣傳，到旺角與戲迷玩遊戲送戲票。對於獲邀到大學參加講座而遭批評，又被莊思敏形容為「外星人」，但周秀娜仍不太介意﹕「佢咁講我覺得好得意囉！我食嘢嘅時候都幾似外星人，因為食得多。（咁多新聞有冇唔開心？）咁又冇，最緊要清楚自己做緊咩啫！」
鄭融以「髮卷Look」出席，她笑言無靚衫可晒，故惟有在髮型上搞搞新意思，還自爆經常到平價時裝店掃貨：「我買到有折，仲介紹埋公司啲同事去！（唔怕畀人話『跌Grade』咩？）最緊要買得有樂趣啫！其實五十蚊同五百蚊嘅衫都係咁着，唔應該用價錢去分等級。」
