傅穎（Theresa）前日表示已向金牌大風發律師信解約，遭金牌大風CEO陳輝虹寸多餘！昨日她在Blog寫一篇以「給你們的信」為題的萬言書，表達對「金牌人」的感受，當中最感激是黃栢高（Paco），而陳輝虹則只在文尾略過，對曾傳不和的鄭中基、鄧麗欣和方力申更是隻字不提。她指在金牌大風7年多，看過許多新人及舊人交替，如今自己變成舊人，經歷令她富裕及長大。她感激Paco給予機會，又提及沒機會與雷頌德「真正溝通」。

Stephy祝大家順利

此外，鄧麗欣（Stephy）昨日出席活動時表明要封嘴：「我講咩都會好敏感！（同Theresa聯絡？）唔答。（祝佢順風？）希望大家日後發展好好！（你係太子黨？）都係人哋咁講，一陣又話我陰笑！（傳佢經濟有問題，會唔會借錢？）假設性問題唔答！」對於有傳Theresa經濟出現困難，同場的方力申說：「未必係真。（知佢發律師信？）知。（多餘？）邊敢咁講！Paco講過如果邊個合作覺得唔愉快，咪撕爛合約囉！唔好阻人發達，之前幾個都係咁！（邊個？）公司好大量，無條件咁做。（佢博見報？）唔評論。」而古巨基出席另一活動時，指Theresa律師信內容可能溫和，希望她一切順利。

採：影視組　文：專案組