正當Kama努力爭取o靚模界一姐之際，江若琳亦趁機「變模」，前晚為「又一城時裝周」示範新裝，首次行騷的她獲逾百位Fans支持，比同場的Janice Man（JM）更勁，而JM也不輸蝕，以一姐姿態率領其他模特兒謝幕！
江若琳表示行騷令她壓力大得失眠兼胃痛，更笑言為怕在後台換衫時尷尬，故一早打底，對於Fans人數比JM多，她說：「唔好講多同少，多謝Fans支持。（個勢贏咗？）冇諗呢啲嘢，我冇身材又冇身高，有得行騷已經好開心，行騷嘅係專業Model，我係Sing Model。（同JM抗衡？）唔係！玩吓啫！（JM領軍謝幕會唔會不快？）唔會！我係模界新人，其餘都係前輩。」至於JM表示率領模特兒謝幕是大會安排，亦不介意Fans人數比江若琳少。