李莉琳求學時期已做兼職模特兒，到正式出來搵工，她表示因男友不喜歡她拋頭露面，故第一份工便到美容院做顧問：「女仔通常都貪靚，好自然就去美容院跟人學做Facial，不過我冇乜天分，經常擺烏龍做錯嘢。最記得一次幫客做完15分鐘RF（射頻機），先發現原來冇插電掣，好彩冇畀個客發現，但都好對佢唔住。」

Liz不小心將面膜粉倒入水中，幸好客人未有發覺！	Liz十分細心，不介意為客人遞拖鞋，服侍周到。	Liz找不到預約記錄，令客人顯得有點不耐煩。

服務殷勤遞拖鞋

最近模熱降溫，Liz亦希望能有一技傍身，日前她自發到美容院做美容師，由Booking到幫客人做Facial全部一腳踢。想不到她在櫃枱前已面臨第一個考驗，她說：「搵唔到個客嘅Booking，搞到佢等咗好耐，好似有啲唔耐煩，好彩最後Check番電腦個記錄，算係過到第一關。」其後Liz帶客人到更衣室換衫，連袍及拖鞋都幫客人遞上，認真夠殷勤。

到正式替客人做Facial，Liz顯得戰戰兢兢，用纖纖玉手替客人洗面和按摩，雖然手勢有點不正統，調校面膜的分量又出錯，幸身旁有大師姐即場教路，她尷尬地說：「我平時都會幫媽咪做Facial，佢成日讚我手勢好，唔通呃我？」