前晚在澳門舉行的《安康唱好澳門演唱會》，許志安與蘇永康甫出場即勁歌熱舞及互窒搞氣氛，相當熱鬧！蘇永康主動與歌迷拖手兼自拍，並與穿和服的女歌迷抱抱。

蘇永康（左）與安仔到澳門開騷，氣氛熱烈！

蘇永康興奮得跪地與身穿和服的Fans抱抱。

另一邊廂，輪到安仔獨唱時，他向歌迷說：「要錫就錫，要攬就攬啦！」大批歌迷聞言即湧上前，安仔興奮得站在椅子獻唱，更High爆跳上三呎斜台與歌迷零距離接觸，期間數度跣腳嚇壞保安，幸未有意外發生！有女歌迷從後攬實安仔，並吻他的臉，事後安仔說：「我冇畀人抽水，係都係我抽人水啫！」

互窒唔會嬲

安仔趁機宣傳「安康」、梁漢文及張衞健明年舉行的演唱會，問到互窒有火藥味？他說：「我哋太熟，講嘢冇夾過！如果嬲就唔係兄弟啦！」另外，對於近日藝人被踢爆結婚，安仔自爆被公司催婚，蘇永康說：「我幫許志安Check咗，澳門結婚網上查唔到，收費800蚊就搞掂！」