譚詠麟昨日宣布藝能與「勤+緣媒體服務有限公司」簽訂為「勤+緣藝能」合資公司，開發內地市場。對於華仔一再被指有子女，阿倫說：「我Send咗SMS畀佢，但佢冇覆！（華仔被指唔認仔？）我覺得佢冇（仔）！」問到會否以過來人身份過兩招給華仔，他即反問：「點解？（因為曉風最近先畀人影？）佢靚仔先有人登啫！其實今次係一件好私人嘅嘢，唔明佢點解咁辛苦！（偶像派辛苦啲？）某尺度上唔想講就唔講，關乎屋企人嘅嘢，只答『多謝關心』就得，亦唔使黑面，雖然佢冇……佢有好多嘢要關注，瘋狂歌迷亦係考慮嘅範圍，可能一次過先公布！」