當日阿沙滿面鬍鬚，冇梳頭的他戴上帽子「遮醜」，服飾亦欠品味，網友留言炮轟阿沙的打扮：「我係阿沙嘅忠實Fans，佢好靚仔，不過今次輯相真係好唔掂！佢絕對需要剃鬚、剪頭髮同換番件新衫。我始終覺得男人着窄腳牛仔褲唔好睇。」阿沙的打扮被網友批評，就連其女伴的打扮亦被狂踩。另一方面，日前阿沙身穿一件印上「地球上最佳老竇」字句的T恤，因而被傳媒懷疑他是否秘密榮升父親！

《變形2》北美票房No.10

此外，阿沙主演的暑期大片《變形金剛：狂派再起》上映至今，北美票房已高達3億7千9百萬美元（約31億港元），取代《魔戒三部曲：皇者再臨》成為北美史上最高票房第十位。

提起《變》片，女主角兼阿沙緋聞女友美瑾霍絲日前出席Comic-Con動漫展宣傳新片《陰點有情人》時，大讚戲中的喪屍角色好性感，片中更有女咀女的戲份，即暗示她將會飾演同志喪屍。