椋名凜昨日到旺角街頭出席《Swatch萬人齊創Art膠表》活動，親身示範潮畫人體彩繪，並在街上大派有其肖像的Postcard，吸引男途人圍觀，期間男途人對她有讚有彈：「嘩……好白，但波好大」、「佢咁矮」，還有些讚她靚讚到爆粗。事後椋名凜表示不介意，坦言日本女性大多嬌小玲瓏。提到將舉行寫真集簽名會，問到對周秀娜（Chrissie）及羅凱珊（Kama）有何看法？她大讚Chrissie性感可愛，Kama則毫無睇頭：「Chrissie寫真集構思大膽，我都想買本支持！」至於有報道Kama指Chrissie假波，她繼續力撐Chrissie：「如果Kama真係咁講，真係好Trouble（麻煩）！我覺得Chrissie係真材實料，佢唔應該中傷人，好多女仔月經前後同時肥時瘦，上圍有變，都會好正常！」