昨日Kay出席《明愛暖萬心》記者會時，對於有報道指她上圍由A Cup升至D Cup，她沒好氣地說：「無聊嘢，有啲雜誌好鍾意搵我『攝期』，唔想回應，自己冇為呢啲失實報道唔開心！一直以來捏造新聞都係交畀公司同律師處理。」問到是否服裝太鬆，令人產生錯覺？Kay說：「攝影角度可以講十萬個理由解釋，唯一要講係腋下有疤，自己從來冇遮，係穿肺做手術時留低，唔係醜事唔見得光，畀人刻意抹黑我形象，強加喺我身上都唔係第一次！」

張繼聰（左）與梁榮忠呼籲少用膠袋，提高環保意識。	龔嘉欣（左）與李思欣在活動上「鬥腿」，平分秋色。	被指身材升Cup的Kay，將與林峯合演情侶。

另外，Kay前晚在內地頒獎禮連奪2獎，身穿連身裙的她坦言感覺很實在，並透露下月中在廣州開騷：「到時我會唱王菲、孫燕姿同鄧麗君嘅經典歌，希望歌迷鍾意。」

「真係好憤怒！」

另一邊廂，張繼聰昨日出席活動時，立即力撐愛妻：「講到咁犀利！36D好誇張，咁咪仲大過個頭！總之我覺得太太身材好完美，有信心太太面對到呢啲無聊嘅炒作，但作為老公，我真係好憤怒！」