在CNN的訪問中，陳冠希自稱從未講過永遠（Forever）退出娛樂圈，只提過「無限期（Indefinitely）」，他又說：「It could mean 5 minutes, it can mean 2,000 years.I never said forever.（那可以是5分鐘，又或是2,000年，我從來沒有說是永遠。）」並指中文傳媒曲解他的意思。
不過，黃國桐律師對此深表氣憤，他說：「佢舊年喺記者會度用『Indefinitely』同『There is no time frame』嚟形容退出娛樂圈，雖然冇講明時限，不過佢口口聲聲講到好後悔要反省贖罪，如果喺法庭上分析佢嘅說話，我哋會判斷佢至少需要5至8年嘅時間去懺悔，而唔會係幾個月，又或者一、兩年咁少！」
黃律師更力撐中文傳媒的假設沒錯：「中文傳媒假設佢永遠退出其實冇錯，藝人嘅演藝生命有限期，大概10年左右，我哋有良心咁幫佢計算過犯呢個錯之後嘅反省救贖期，係以年做單位，計落講佢係永遠退出亦有道理！佢喺CNN嘅解釋好輕佻取巧，話中文傳媒水準差？係我哋道德觀念高，睇高咗佢呢個咁無恥嘅人就真！」